Nitrogenprisane er nesten 35 % høgare samanlikna med august i 2020, men som figuren under viser så var også prisane i fjor låge samanlikna med tidlegare år. Dette gjeld både rein nitrogengjødsel og Fullgjødsel.
Vi har hatt kontakt med Ragnar Dæhlie i Felleskjøpet Agri, og han forventar at gjødselprisane følgjer utviklinga som tidlegare ut over hausten og nyåret; dvs. at det løner seg å kjøpe inn gjødsel til neste sesong så tidleg som mogleg.
Med auka prisar på mineralgjødsel er det endå viktigare for økonomien å sørge for god utnytting av husdyrgjødsla. Stripespreiar vil redusere tapet av ammoniakk og såleis sørge for at meir av nitrogenet i husdyrgjødsla kjem plantane til gode. Ved bruk av fanespreiar vil det vere pengar å spare på å spreie møka i lett regn og vindstille vèr.
