Fagmøte om sterk bondepsyke for HMS medlemar

19.01.2021 (Oppdatert: 19.01.2021)

HMS-rådgjevarane i NLR Vest vil i 2021 halde 3 ulike fagmøte med aktuelle HMS tema. Møta vert på Teams, eksklusivt for medlemar med HMS-avtale, og du kan delta på alle møta om du vil.

Før kvart fagmøte får du ein epost med informasjon og påmelding. Når du har meldt deg på, får du invitasjon med lenke til pålogging. Møta er sette opp til å vare ca 1 time.

Møta krev ikkje at du er aktivt deltakande, vi ynskjer at dette skal vere eit lågterskeltilbod, der du kan lytte til presentasjon av eit fagtema medan du tek lunsjpausa, eller ein pust i bakken frå utearbeidet. Vi er sjølvsagt opne for diskusjon og spørsmål på møta.

HMS er som alle andre fag ferskvare, og vi håpar de tek dykk tida til dette påfyllet av HMS.

Sterk bondepsyke, tirsdag 26.januar kl. 11:00

Psykisk helse med tittel «Sterk bondepsyke» er fyrste tema. Der vil HMS-rådgjevar Trude Iren Saure  fokusere på korleis ein kan trene opp og vedlikehalde den psykisk helsa til å tåle ulike belastningar utan å gå på ein smell.

  • Korleis kan du luke vekk negativt stress?
  • Korleis drage positive tankar inn i arbeidet, og dermed få ein betre kvardag.
  • Kva kan du gjere når du sjølv syns det buttar for mykje i mot?
  • Kva kan du gjere for å hjelpe andre som slit? Kven kan du kontakte?

 Bli med og styrk helsa di tysdag 26.januar kl. 11:00

 

Er du ikkje HMS-medlem? bestill avtale her:

 



Fortell oss gjerne hva du gravde etter. Vi jobber med å gjøre sidene våre bedre.
Æsj, det var dumt. Hva lette du etter? Gi oss gjerne en tilbakemelding slik at vi kan gjøre det lettere for deg å finne fram på sidene våre.